Вольга Русіновіч: развіццё сферы паслуг - адзін з ключавых фактараў эканамічнага росту

Сёння, 17 кастрычніка 2024 г. у г. Брэсце адбылася VI канферэнцыя праекта «Рэсурсы і магчымасці» на тэму: «Развіццё сферы паслуг. Праблемы, тэндэнцыі, перспектывы», якая стала платформай для абмену досведам, ідэямі і лепшымі практыкамі вядзення бізнесу суб'ектаў прадпрымальніцкай дзейнасці Брэсцкай вобласці і Расійскай Федэрацыі.

Мерапрыемства з прывітальным словам адкрыла дырэктар Дэпартамента па прадпрымальніцтве Вольга Русіновіч. Паводле слоў прадстаўніка Мінэканомікі, развіццё сферы паслуг –гэта адзін з ключавых фактараў эканамічнага росту, які садзейнічае паляпшэнню якасці жыцця насельніцтва і забеспячэнню ўстойлівага развіцця грамадства.

Адной з тэм канферэнцыі стала абмеркаванне перспектыў развіцця сектара малога і сярэдняга прадпрымальніцтва ў сферы паслуг, павышэння эфектыўнасці яго дзейнасці.

Дырэктар Дэпартамента агучыла асноўныя навацыі ў заканадаўстве ў частцы рэфармавання прадпрымальніцкай дзейнасці. Яны датычыліся:

новай архітэктуры суб'ектнага складу малога і сярэдняга бізнесу,

парадку і ўмоў ажыццяўлення эканамічнай дзейнасці ў статусе індывідуальнага прадпрымальніка і іншых формах ажыццяўлення індывідуальнай прадпрымальніцкай дзейнасці,

пашыраных магчымасцей у сферы дзяржаўнай фінансавай падтрымкі.