Уладзімір Навумовіч: заклікаем больш актыўна выкарыстоўваць новыя механізмы падтрымкі вытворчых інвестпраектаў

Аб гэтым заявіў сёння, 9 кастрычніка 2024 г., намеснік Міністра эканомікі Уладзімір Навумовіч падчас семінара па навацыях Закона «Аб інвестыцыях», які праходзіў на пляцоўцы Мінаблвыканкама.

 У сваім выступленні намеснік кіраўніка эканамічнага ведамства падрабязна расказаў аб стымулах да тэхналагічнага развіцця і мадэрнізацыі дзеючых прадпрыемстваў і стварэння новых вытворчасцей, якія ўкаранёны абноўленым заканадаўствам краіны.

«Каб перспектыўная ідэя стала інвестыцыйным праектам, патрабуюцца сама меней тры складнікі – пляцоўкі, фінансаванне, механізмы падтрымкі.

Таму дзяржава сістэмна ўмацоўвае вытворчы патэнцыял рэгіёнаў, рэалізуючы канцэпцыю «Адзін раён-адзін праект», павышаючы даступнасць капіталу для вытворчых імпартазамяшчальных бізнес-ідэй, удасканальваючы нарматыўную базу.

З ліпеня дзейнічаюць новыя механізмы падтрымкі, прапанаваныя новай рэдакцыяй Закона «Аб інвестыцыях». Гэта пашыраны пакет ільгот і прэферэнцый, магчымасць закупкі часткі прадукцыі, бюджэтныя трансферты і шмат іншага. Усе патрабаванні, умовы і працэдуры ўжо адпрацаваны і замацаваны ў адпаведных НПА. Справа за іх практычным ужываннем.

 Са свайго боку, мы адкрыты да зносін з усімі ўдзельнікамі інвестыцыйнага працэсу», – падкрэсліў Уладзімір Навумовіч.

Прадстаўнікі Мінэканомікі падчас семінара далі ўдзельнікам падрабязныя тлумачэнні па кожнай з навацый інвестыцыйнага заканадаўства, адказалі на пытанні.

Такія сустрэчы адбудуцца ў іншых рэгіёнах краіны.