Уладзімір Навумовіч: моладзь - гэта бясспрэчны драйвер сацыяльна-эканамічнага развіцця краіны

Сёння, 11 кастрычніка 2024 г., намеснік Міністра эканомікі Уладзімір Навумовіч і намеснік дырэктара Дэпартамента па прадпрымальніцтве Руслан Невяровіч прынялі ўдзел у мерапрыемствах гарадскога праекта па падтрымцы маладзёжных ініцыятыў «Мінская змена – 2024».

У сваім прывітанні да фіналістаў праекта Уладзімір Навумовіч адзначыў, што маладыя людзі поўныя сіл, гатовы вучыцца і не адступаць перад цяжкасцямі. Іх энергія, аптымізм і свежы погляд садзейнічаюць паскоранаму сацыяльна-эканамічнаму развіццю краіны. Таму меры дзяржаўнай маладзёжнай палітыкі знаходзяць адлюстраванне ў найважнейшых стратэгічных дакументах – як дзеючых, так і распрацоўваных.

Намеснік Міністра эканомікі праінфармаваў удзельнікаў сустрэчы аб нядаўна прынятых рашэннях па пытаннях рэгулявання прадпрымальніцкай дзейнасці, якія даюць магчымасць лягчэй і хутчэй пачаць уласную справу.

Падчас мерапрыемства разгарнулася актыўная дыскусія аб тым, як пачынаючаму прадпрымальніку камерцыялізаваць вынікі сваіх творчых ідэй. Намеснік дырэктара Дэпартамента па прадпрымальніцтву Руслан Невяровіч даў тлумачэнні, куды можна звярнуцца па кансультацыйную і рэсурсную падтрымку, на якіх умовах і на якія мэты можна атрымаць ільготныя крэдыты або бязвыплатную фінансавую падтрымку, якія інфармацыйныя сэрвісы і рэсурсы даступныя прадпрымальнікам, адказаў на іншыя пытанні.