Уладзімір Навумовіч: Беларусь прапануе шырокі спектр інструментаў падтрымкі перспектыўных бізнес-ініцыятыў

Аб гэтым заявіў сёння, 17 кастрычніка 2024 г., намеснік Міністра эканомікі Уладзімір Навумовіч.

Намеснік кіраўніка эканамічнага ведамства прыняў удзел у семінары па навацыях Закона «Аб інвестыцыях» на пляцоўцы Магілёўскага аблвыканкама, а таксама выступіў на Пленарным пасяджэнні XV Міжнароднага эканамічнага форуму «Млын поспеху» і Міжнароднага кааперацыйнага форуму па імпартазамяшчэнні з удзелам дэлегацый з дзяржаў-членаў.

На думку намесніка міністра эканомікі, «акно магчымасцей» для ўзаемадзеяння ў рамках ШАС велізарнае, у тым ліку, у рамках прамысловай кааперацыі і інвестыцыйнага супрацоўніцтва.

«Першае – прамысловая кааперацыя і інвестыцыйнае супрацоўніцтва. Падзел вытворчасці на этапы і састаўныя па прынцыпу адносных пераваг дазволяць не толькі аптымізаваць вытворчыя працэсы, але і павысіць канкурэнтаздольнасць тавараў на міжнародных рынках. Другое – развіццё транспартнай і лагістычнай інфраструктуры: мадэрнізацыя транспартных калідораў і стварэнне лагістычных хабаў дасць магчымасць значна скараціць час і затраты на дастаўку тавараў. Трэцяе – кадравае супрацоўніцтва, абмен ведамі і досведам у вобласці падрыхтоўкі адмыслоўцаў.

Нашы партнёры могуць разлічваць на магчымасці Беларусі як дзяржавы з традыцыйна моцным і эфектыўным аграрным сектарам, развітой прамысловай вытворчасцю. Прыклад паспяховых кааперацыйных праектаў у галіне машынабудавання і электронікі пацвярджае, што такія ініцыятывы могуць прыносіць значныя выгады.

Сёння наша краіна дадаткова да існуючых магчымасцей прапануе шырокі спектр механізмаў падтрымкі перспектыўных бізнес-ідэй у рамках абноўленага Закона «Аб інвестыцыях». Размова ідзе, у прыватнасці, аб прэферэнцыйных інвестпраектах, спецыяльных інвестдагаворах, бюджэтных трансфертах і іншых ільготах, якія істотна скарачаюць выдаткі інвестараў пры рэалізацыі вытворчых ініцыятыў», – падкрэсліў Уладзімір Навумовіч.