Таццяна Бранцэвіч: дзяржпраграмы садзейнічаюць умацаванню сацыяльнай інфраструктуры
Аб гэтым заявіла сёння, 8 кастрычніка 2024г., намеснік Міністра эканомікі Таццяна Бранцэвіч падчас чарговага пасяджэння пастаяннай міжведамаснай камісіі па дзяржаўных праграмах.
У мерапрыемстве ўдзельнічалі прадстаўнікі Мінэканомікі, Міністэрства аховы здароўя, Мінінфарма, Мінпрацы і сацабароны, МУС, МНС, аблвыканкамаў і Мінгарвыканкама. Разглядаліся прапановы па карэкціроўцы дзяржпраграм «Здароўе народа і дэмаграфічная бяспека», «Сацыяльная абарона» і шэрага іншых.
Як адзначыла Таццяна Бранцэвіч, камісія гатова падтрымаць павелічэнне колькасці мерапрыемстваў і карэкціроўку фінансавання, калі гэта будзе садзейнічаць павышэнню якасці жыцця людзей на месцах.
«Безумоўны прыярытэт сёння –гэта здароўе нашых грамадзян. Таму мы падтрымліваем выдзяленне дадатковых сродкаў на абнаўленне парку аўтамабіляў «хуткай дапамогі», закуп перасоўных ФАПаў, будаўніцтва новых паліклінік і бальніц і рэканструкцыю дзеючых.
Не менш важная задача – умацаванне інфраструктуры і матэрыяльна-тэхнічнай базы ўстаноў сацыяльнага абслугоўвання. Інвестуючы на гэтыя мэты, дзяржава выконвае свае абавязацельствы перад людзьмі, якія шмат гадоў добрасумленна працавалі на карысць краіны і сёння фізічна не ў сілах пра сябе паклапаціцца.
Таму неабходна не дапускаць павелічэння тэрмінаў работ па будаўніцтве і рэканструкцыі аб'ектаў сацыяльных устаноў, а таксама больш актыўна развіваць безбар'ернае асяроддзе», – падкрэсліла намеснік міністра эканомікі.