Таццяна Бранцэвіч: дзяржава стварае ўмовы для павышэння канкурэнтаздольнасці прадпрыемстваў АПК
Аб гэтым заявіла сёння, 21 жніўня 2024 г., намеснік Міністра эканомікі Таццяна Бранцэвіч падчас пасяджэння пастаяннай міжведамаснай камісіі па дзяржаўных праграмах, на якім разглядаліся прапановы па карэкціроўцы дзяржпраграмы «Аграрны бізнес» на 2021-2025 гады.
Як адзначыла Таццяна Бранцэвіч, камісія гатова падтрымаць змяненні мерапрыемстваў і значэнняў паказчыкаў, накіраваныя на павышэнне эфектыўнасці выкарыстання рэсурсаў, рост аб'ёмаў вытворчасці, пашырэнне геаграфіі экспартных паставак.
«Пры гэтым мусіць быць забяспечаны значны эфект для прадпрыемстваў, рэгіёнаў і эканомікі ў цэлым. Напрыклад, актыўнае ўключэнне ў сельскагаспадарчы абарот меліяраваных зямель, павелічэнне аб'ёмаў і глыбіні перапрацоўкі сыравіны і выпуску прадукцыі, запатрабаванай у Беларусі і за яе межамі, павышэнне тэхналагічнага ўзроўню вытворчасцей.
Праграма дапаўняецца мерапрыемствамі па рэалізацыі комплекснага «праекта будучыні» «Дакладнае земляробства». Укараненне тэхналогій дакладнага земляробства дасць магчымасць эканоміць рэсурсы, павысіць ураджайнасць глеб, а таксама палепшыць стан навакольнага асяроддзя.
Усё гэта дадатковыя магчымасці для далейшага ўмацавання вытворчага і экспартнага патэнцыялу галіны, да выкарыстання якіх неабходна падыходзіць з усёй адказнасцю», – адзначыла намеснік кіраўніка эканамічнага ведамства.