Супрацоўнікі Мінэканомікі прынялі ўдзел у патрыятычным форуме, прымеркаваным да Дня народнага адзінства

17 верасня ўся краіна шырока адзначыла Дзень народнага адзінства.

Гэта самае маладое дзяржаўнае свята, але ў яго ўжо склаліся ўласныя добрыя традыцыі: адкрыццё знакавых аб'ектаў, флэшмобы, выставы, дыялогавыя пляцоўкі, адкрытыя ўрокі, маштабныя мерапрыемствы і патрыятычныя акцыі.

Калектыў Міністэрства, зразумела, не застаўся ў баку ад усенароднага свята. Эканамісты на чале з Міністрам эканомікі Юрыем Чабатаром сталі ўдзельнікамі патрыятычнага форуму «Калі мы адзіныя», які сабраў на шматтысячнай «Мінск-Арэне» прадстаўнікоў грамадскасці з усіх рэгіёнаў краіны.

У форуме прыняў удзел Прэзідэнт. У сваім яскравым і насычаным выступленні беларускі лідэр гаварыў аб важнасці далейшай кансалідацыі грамадства, каб захаваць суверэнітэт і незалежнасць Рэспублікі Беларусь, і права нашага народа самім вызначаць свой лёс, ствараць лепшую будучыню ў імя нашых дзяцей.