Стартаваў Беларускі тыдзень прадпрымальніцтва-2024

Асноўная мэта мерапрыемстваў - кансалідацыя намаганняў бізнесу і ўлады для выяўлення праблемных пытанняў у сферы развіцця прадпрымальніцтва і абмеркавання шляхоў іх вырашэння.

Асаблівасць Тыдня прадпрымальніцтва-2024 – на кожны дзень вызначана свая «сфера інтарэсаў». Дні Тыдня будуць прысвечаны працы з моладдзю, суб'ектамі інфраструктуры падтрымкі прадпрымальнікаў, з парламентарыямі, з бізнес-саюзамі і асацыяцыямі.

Героі першага дня – моладзь. Важна разумець чаканні і імкненні маладых беларусаў, каб сфарміраваць спрыяльнае для іх самарэалізацыі дзелавое асяроддзе.

З гэтай мэтай сёння Міністр эканомікі Юрый Чабатар правядзе нефармальную сустрэчу з навучэнцамі вядучых ВНУ Беларусі.

А на пляцоўцы Беларускага дзяржаўнага ўніверсітэта адбудзецца маштабны студэнцкі стартап-форум, дзе напэўна прагучыць нямала перспектыўных бізнес-ідэй. Сустрэчы з навучэнцамі пройдуць і ў рэгіёнах.

Пра ўсё раскажам на нашым сайце і ў тэлеграм-канале. Сачыце за навінамі!