Мінэканомікі: эканоміка захоўвае тэмпы вышэй за прагнозныя

Паводле даных Нацыянальнага статыстычнага камітэта, тэмп росту ВУП па выніках студзеня-жніўня склаў 104,9 працэнта – гэта значна вышэй за прагнозныя і сярэднесусветныя.

Прамысловасць захоўвае статус аднаго з лідэраў – рост на 7,1%.

Удалося значна нарасціць выпуск легкавых аўтамабіляў, грузавікоў, аўтобусаў, вагонаў, матацыклаў, аптычных прыбораў, радыёнавігацыйнай апаратуры.

Аб запатрабаванасці прадукцыі сведчыць зніжэнне складскіх запасаў: у параўнанні з аналагічным перыядам 2023 г. іх суадносіны скарацілася на 7,5 п.п. У выніку, які склаўся ўзровень запасаў стаў значна ніжэйшым за яго сярэдняе значэнне за апошнія 10 гадоў.

Высокія пазіцыі ўтрымлівае гандаль: рознічны тавараабарот вырас на 12%, аптовы – на 7,1%. Гэтаму спрыяе рост рэальных даходаў насельніцтва.

Намаганнямі працаўнікоў сяла забяспечана добрая дынаміка ў сельскай гаспадарцы: тэмп «плюс» 7,2%. Значная прыбаўка атрымана па яйках (113 працэнтаў), малаку (105,9 працэнта), мясу птушкі (104 працэнты), агародніне (104,5 працэнта), збожжу (106,4 працэнта).

Важкі ўклад у эканоміку ўнесла будаўніцтва – у студзені-жніўні рост склаў 9%.

Станоўчыя тэндэнцыі пераважаюць і ў транспартнай сферы (106,5 працэнта): пасажыраабарот вырас на 9 працэнтаў, грузаабарот – на 2,8 працэнта.

Замацавалася ў «зялёнай зоне» IT-сфера: за студзень - жнівень рост склаў 100,4%.

Прадпрыемствы ўпэўнена плануюць сваё далейшае развіццё, працягваюць укладваць у мадэрнізацыю. З істотным апярэджаннем прагнозу растуць інвестыцыі ў асноўны капітал – за 7 месяцаў «плюс» 7,1%. Паскоранымі тэмпамі павялічваюцца выдаткі на набыццё машын і абсталявання – іх доля ў агульным аб'ёме укладанняў ушчыльную наблізілася да 40 працэнтаў.

Экспарт тавараў і паслуг прадаўжае ўстойліва аднаўляцца. У студзені - ліпені 2024 г. тэмпы росту паскорыліся да 104,5%.

Экспарт тавараў склаў 22,8 млрд. дол., чаму садзейнічалі нарошчванне фізічных аб'ёмаў паставак. Пры гэтым коштавая кан'юнктура таксама паляпшаецца. У прыватнасці, экспарт на рынкі дружалюбных краін вырас на 4,3%, у краіны Азіі - на 10,8%, Афрыкі - у 4 разы.