Лічбы і факты: Беларусь захавала свае ўнікальныя прыродныя багацці
Завяршаем цыкл публікацый аб дасягненнях сацыяльна-эканамічнага развіцця Рэспублікі Беларусь за 30 гадоў з моманту заснавання інстытута прэзідэнцтва аповедам што ўдалося зрабіць, каб маладое пакаленне беларусаў атрымала ў спадчыну спрыяльнае навакольнае прыроднае асяроддзе.
У сусветным рэйтынгу па індэксе экалагічнай эфектыўнасці Рэспубліка Беларусь займае 32 пазіцыю. Мы ўваходзім у першую трэць дзяржаў з найлепшымі паказчыкамі ў адносінах да аховы прыроды, ляснога покрыва, здабычы (вынятку) прэснай вады і ачысткі сцёкавых вод, нізкай смяротнасці, выкліканай ужываннем небяспечнай вады.
У нашай краіне створана і эфектыўна дзейнічае сістэма асабліва ахоўных прыродных тэрыторый. За перыяд з 1995 года іх удзельная вага павялічылася ў 2,4 раза і склала 9,1 працэнта ад усёй тэрыторыі краіны. Па стане там дзейнічаюць 1 запаведнік (Бярэзінскі біясферны), 4 нацыянальныя паркі, 376 заказнікаў, 973 помнікаў прыроды. У іх насяляе каля 80% відаў рэдкіх і якія знаходзяцца пад пагрозай знікнення дзікарослых раслін і каля 90% – дзікіх жывёл.
Беларусь паслядоўна выконвае свае абавязацельствы па Парыжскаму пагадненню. За 30 гадоў выкіды забруджвальных рэчываў скараціліся ў 3 разы. Пры гэтым наша краіна мае адзін з самых высокіх паказчыкаў лясістасці ў Еўропе (40,2 працэнта тэрыторыі ў 2023 годзе), вялікія плошчы неасушаных балот (каля 4 працэнтаў тэрыторыі), якія звязваюць і выводзяць з атмасферы вуглякіслы газ.
Рэспубліка Беларусь – адзін з сусветных лідэраў па аднаўленні парушаных балотных экасістэм. За апошнія 20 гадоў такія мерапрыемствы праведзены ўжо на тэрыторыі 87 тыс. га, у тым ліку ў 2021 годзе – 2,2 тыс. га. Такія мерапрыемствы будуць працягвацца штогод.
Праведзена вялікая праца і для таго, каб зберагчы для наступных пакаленняў яшчэ адно наша прыроднае багацце – чыстую пітную ваду. За 30 гадоў практычна ўдвая знізіліся аб'ёмы здабычы вады з прыродных крыніц (з 2745 млн. м3 у 1992 годзе да 1435 - у 2023 годзе).
Паводле даных назіранняў Нацыянальнай сістэмы маніторынгу навакольнага асяроддзя, доля водных аб'ектаў з добрым або выдатным экалагічным статусам у 2023 годзе складае 68 працэнтаў. Гэта сведчыць аб эфектыўнай палітыцы ў сферы аховы водных рэсурсаў ад забруджвання.