Юрый Чабатар: створаны неабходны задзел для паспяховага старту будучай пяцігодкі
Аб гэтым заявіў сёння, 17 кастрычніка 2024 г., Міністр эканомікі Юрый Чабатар падчас панэльнай дыскусіі на юбілейнай XXV Міжнароднай навуковай канферэнцыі «Праблемы прагназавання і дзяржаўнага рэгулявання сацыяльна-эканамічнага развіцця».
Удзел у мерапрыемстве прынялі кіраўнікі органаў дзяржкіравання, беларускія і замежныя вучоныя-эканамісты, эксперты-практыкі, прадстаўнікі дзелавых колаў. Увазе ўдзельнікаў былі прадстаўлены палажэнні праекта Нацыянальнай стратэгіі ўстойлівага развіцця Рэспублікі Беларусь на перыяд да 2040 года. Таксама на дыскусійных пляцоўках абмяркоўваліся прыярытэты і механізмы дзяржаўнага рэгулявання ўстойлівага развіцця ў новай геапалітычнай і геаэканамічнай рэальнасці.
Як адзначыў Юрый Чабатар, Беларусь уступае ў новы прагнозны цыкл, зыходным пунктам якога з'яўляецца праект НСУР-2040. За мінулы перыяд праведзена вялікая работа па стварэнню неабходных задзелаў для паспяховага старту будучай пяцігодкі.
«Па-першае, узмоцнены навукова-тэхнічны і галіновы складнік сістэмы прагнозных і планавых дакументаў. У яе ўключаны Комплексны прагноз навукова-тэхнічнага прагрэсу на 20 гадоў, дзяржпраграмы навуковых даследаванняў і навукова-тэхнічныя праграмы. Яе неад'емнай часткай таксама стануць стратэгіі развіцця відаў эканамічнай дзейнасці на 10-гадовы перыяд.
Па-другое, створаны важкі істытуцыянальны задзел па шэрагу напрамкаў – ад інвестыцыйнай сферы, фіназдараўлення прадпрыемстваў і пераарыентацыі экспарту да рэформы прадпрымальніцкай дзейнасці.
Па-трэцяе, рэалізаваны шэраг знакавых для нашай краіны інвестпраектаў. Размова ідзе, у прыватнасці, аб БелАЭС, Петрыкаўскім ГАК, ЗАТ «БНБК» і многіх іншых прадпрыемствах, якія фарміруюць сёння прывабнае высокатэхналагічнае аблічча Беларусі.
Больш за тое, інвестыцыйная праца працягваецца. Сфарміраваны і рэалізуюцца партфелі бізнес-ідэй, якія забяспечваюць вырашэнне задач тэхналагічнай бяспекі, імпартазамяшчэння, рэгіянальнага развіцця.
Усё гэта дасць магчымасць забяспечыць у наступным пяцігоддзі апераджальную дынаміку і дасягненне амбіцыйных мэт сацыяльна-эканамічнага развіцця», – падкрэсліў Міністр эканомікі.