Юрый Чабатар: стратэгія развіцця фармацэўтыкі павінна садзейнічаць насычэнню ўнутранага рынку айчыннымі лекавымі прэпаратамі

Аб гэтым заявіў сёння, 20 снежня 2024 г., Міністр эканомікі Юрый Чабатар падчас сумеснага пасяджэння калегіі Мінэканомікі і ДКНТ.

Цэнтральнай тэмай мерапрыемства стаў разгляд праекту Стратэгіі развіцця фармацэўтычнай прамысловасці да 2035 года.

Паводле слоў Юрыя Чабатара, фармацэўтыка – гэта галіна, дзе Беларусь мае добрую індустрыяльную базу, неабходныя кампетэнцыі і наладжаную сістэму падрыхтоўкі кадраў. Адпаведна, «ядром» Стратэгіі развіцця павінны стаць праекты і ідэі, накіраваныя на распрацоўку новых сродкаў дыягностыкі захворванняў і лекавых прэпаратаў.

«Па гэтым напрамку ў нас дастаткова шырокі інвестыцыйны парадак дня – ад павышэння долі інавацыйнай прадукцыі на дзеючых магутнасцях да ўкаранення праектных прапаноў Комплекснага прагнозу навукова-тэхнічнага прагрэсу, як, напрыклад, стварэнне буйнатанажных вытворчасцей фармацэўтычных субстанцый.

Тым самым, мы вырашаем задачы фарміравання новых міжгаліновых кааперацыйных ланцужкоў, забеспячэння ўнутранага рынку даступнымі лекамі, а таксама істотна ўмацоўваем свой экспартны патэнцыял на рынку ЕАЭС», – падкрэсліў кіраўнік эканамічнага ведамства.