Юрый Чабатар: стратэгія развіцця будаўнічага комплексу павінна садзейнічаць павышэнню даступнасці жылля ў рэгіёнах

Аб гэтым заявіў сёння, 12 снежня 2024г., Міністр эканомікі Юрый Чабатар падчас сумеснага пасяджэння калегіі Мінэканомікі і ДКНТ.

Цэнтральнай тэмай мерапрыемства стаў разгляд праекту Стратэгіі развіцця будаўнічага комплексу да 2035 года.

На думку кіраўніка эканамічнага ведамства, перспектывы развіцця галіны звязаны з павелічэннем долі высокамаржынальнай прадукцыі ў агульным аб'ёме вытворчасці, нарошчваннем яе экспарту, забеспячэннем унутранага рынку імпартазамяшчальнымі таварамі.

«Для вырашэння вышэйзгаданых задач неабходны новыя інвестпраекты, якія садзейнічаюць нарошчванню вытворчых магутнасцей, узмацненню міжгаліновай кааперацыі, падаўжэнню існуючых і стварэнню новых тэхналагічных ланцужкоў.

Акрамя таго, нязменны прыярытэт сацыяльна-эканамічнага развіцця краіны – «моцныя рэгіёны». Адпаведна, калі мы імкнемся ствараць камфортныя ўмовы для працы і пражывання ў любым пункце Беларусі, то акцэнт у Стратэгіі таксама павінен быць зроблены на забеспячэнні апераджальных тэмпаў будаўніцтва даступнага жылля і лакалізацыі вытворчасцей, асабліва ў райцэнтрах і гарадах «80 тысяч плюс» – падкрэсліў Юрый Чабатар .

Па выніках пасяджэння прынята рашэнне асаблівую ўвагу пры дапрацоўцы дакумента ўдзяліць пытанням павышэння якасці жыцця ў малых гарадах і эфектыўнага выкарыстання горадабудаўнічага патэнцыялу для стымулявання развіцця рэгіёнаў.