Юрый Чабатар: новыя механізмы падтрымкі інвестпраектаў дазваляюць больш актыўна задзейнічаць прамысловы патэнцыял рэгіёнаў

Аб гэтым заявіў сёння, 15 кастрычніка 2024 г., Міністр эканомікі Юрый Чабатар падчас рабочай паездкі ў Віцебскую вобласць.

Кіраўнік эканамічнага ведамства сустрэўся з працоўным калектывам Лепельскага рамонтна-механічнага завода. Міністр азнаёміўся з вытворчасцю, абмеркаваў з работнікамі перспектывы развіцця прадпрыемства, адказаў на пытанні, якія іх цікавяць.

Юрый Чабатар расказаў аб новых механізмах стымулявання інвестыцыйнай дзейнасці, нацэленых на ўмацаванне і развіццё прамысловага патэнцыялу рэгіёнаў.

«Дзяржава паслядоўна фармуе камфортныя ўмовы для стварэння новых і павышэння эфектыўнасці і канкурэнтаздольнасці дзеючых вытворчасцей. І гэта дае свае вынікі. Па выніках 8 месяцаў інвестыцыі ў асноўны капітал растуць з істотным апярэджаннем прагнозу – 107,1%. Выдаткі на тэхналагічнае абнаўленне павялічваюцца яшчэ больш высокімі тэмпамі – 113,3%.

З 1 ліпеня дзейнічаюць прагрэсіўныя механізмы стымулявання інвестыцыйнай дзейнасці. Іх прымяненне дасць магчымасць паскорыць рэалізацыю інвестпраектаў у рэгіёнах», – адзначыў Юрый Чабатар.

Рабочы дзень кіраўніка эканамічнага ведамства прадоўжыўся маніторынгам выканання праектаў ініцыятывы «Адзін раён–адзін праект» у Лепельскім і Докшыцкім раёнах.

Міністр азнаёміўся з ходам работ на ТАА «ЦСК», ТАА «Докшыцкая швейная мануфактура» і ТАА «Космаінвест». На прадпрыемствах ствараюцца новыя вытворчасці будматэрыялаў, швейнай і парфумернай прадукцыі.

Юрый Чабатар абмеркаваў з кіраўнікамі перспектывы развіцця прадпрыемстваў, бягучыя пытанні рэалізацыі праектаў.