Юрый Чабатар: інтэграцыйнае супрацоўніцтва садзейнічае развіццю эканомік і павышэнню дабрабыту грамадзян нашых краін
Аб гэтым заявіў сёння, 5 лістапада 2024 года, Міністр эканомікі Юрый Чабатар, выступаючы з дакладам аб ходзе выканання Асноўных напрамкаў рэалізацыі палажэнняў Дагавора аб стварэнні Саюзнай дзяржавы на 2024-2026 гг. на пасяджэнні Савета Міністраў Саюзнай дзяржавы.
Паводле слоў Юрыя Чабатара, ужо выканана 62 працэнты з намечаных на бягучы год мерапрыемстваў, праблем з выкананнем астатніх няма.
«Па выніках дзевяці месяцаў у абедзвюх краінах забяспечаны дынамічныя тэмпы росту ВУП вышэй за сярэднесусветныя. Растуць прамысловая вытворчасць, рэальныя даходы насельніцтва, актывізавалася і інвестыцыйнае супрацоўніцтва. У 1-ым паўгоддзі з Расіі ў Беларусь прыток капіталу вырас амаль на 7 працэнтаў, а доля Расіі ў агульным аб'ёме інвестыцый дасягнула 7-гадовага максімуму. Пэўную ролю ў гэтым адыграў падпісаны ў красавіку Комплекс мер па стымуляванні інвестыцыйнай актыўнасці.
У частцы стварэння адзінага фінансавага рынку профільныя ведамствы працуюць над далейшым развіццём нацыянальных плацежных сістэм.
Пералік сістэмаўтваральных праектаў, накіраваных на імпартазамяшчэнне, фарміруецца ў сферы сельскай гаспадаркі.
Паскорыць і аблегчыць дастаўку тавараў трэціх краін развіццё і мадэрнізацыя транспартна-лагістычнай інфраструктуры – гэтым сёння актыўна займаюцца мытныя і транспартныя ведамствы.
Падпісана і праходзіць працэдуры ратыфікацыі Міжурадавае пагадненне аб парадку прызнання электроннага лічбавага подпісу – гэта значна спросціць узаемадзеянне суб'ектаў гаспадарання.
У напрамку забеспячэння тэхналагічнага суверэнітэту падрыхтаваны і да канца бягучага года будзе прыняты план мерапрыемстваў па рэалізацыі Стратэгіі навукова-тэхналагічнага развіцця да 2035 года», – распавёў Міністр эканомікі.
У сваім дакладзе кіраўнік Міністэрства таксама агучыў прапануемыя падыходы да стратэгічнага планавання і фарміравання Эканамічнай мадэлі Саюзнай дзяржавы, чаканых вынікаў сумеснай працы эканамічных ведамстваў дзвюх краін.