Ірына Калянчак: створаны ўсе ўмовы для далейшага развіцця інфраструктуры турызму

Пра гэта заявіла начальнік галоўнага ўпраўлення інвестыцыйнай палітыкі Мінэканомікі Ірына Калянчак на IV Форуме рытэйлераў і дэвелапераў.

У сваім выступленні прадстаўнік Мінэканомікі расказала аб новых механізмах інвестыцыйнага заканадаўства, якія спрашчаюць рэалізацыю праектаў у сферы турызму.

«Наша краіна – гэта ўжо сфарміраваны брэнд блакітных азёр, зуброў і сярэднявечных замкаў.

 Можна заходзіць з рознымі ідэямі і праектамі і не баяцца – патэнцыйны попыт ёсць і будзе. Каб спрасціць і паскорыць іх рэалізацыю, мы ўдасканалілі нацыянальнае інвестыцыйнае заканадаўства.

Абноўлены механізм інвестыцыйнага дагавора адкрые шырокі гарызонт для буйных забудоў з вялікім аб'ёмам капітальных затрат, такіх, напрыклад, як гатэль, аквапарк або санаторый.

Калі гаворка ідзе аб невялікім туркомплексе, кемпінгу, водным парку атракцыёнаў або лыжа-ролернай трасе, самы просты варыянт –прэферэнцыйны інвестпраект. Гэты механізм арыентаваны на рэгіёны і рэалізуецца ў дастаткова простым фармаце – дастаткова рашэння выканкама.

Яшчэ адзін інструмент падтрымкі – бюджэтныя трансферты. Простымі словамі: пабудавалі тураб'ект – атрымалі кампенсацыю ад дзяржавы за ўкладзеныя грошы.

Не варта забывацца і пра ўжо існуючыя механізмы, такія як дзяржаўна-прыватнае партнёрства. З мінулага года ёсць магчымасць заключыць пагадненне аб рэалізацыі інфраструктурнага праекта без працяглых конкурсных працэдур, калі для яго рэалізацыі не спатрэбіцца бюджэтныя сродкі.