Дбайная падрыхтоўка крэдыторамі заяў аб банкруцтве ў суды дазваляе забяспечыць дзейсную абарону іх правоў

Пра гэта заявіў сёння, 10 снежня 2024 г., прадстаўнік Дэпартамента па санацыі і банкруцтве Станіслаў Садоўнікаў падчас круглага стала «Практыка прымянення заканадаўства аб урэгуляванні неплацежаздольнасці: вынікі года», які прайшоў на пляцоўцы ТАА «Юрспектр».

Прадстаўнікі дзяржорганаў, прадпрыемстваў, арганізацый і банкаў абмеркавалі асноўныя напрамкі працы з праблемнымі даўгамі і ўзаемадзеяння з «крызіс-мэнэджарамі».

Былі агучаны новыя падыходы да выплаты ўзнагароды антыкрызіснаму кіраўніку, абмеркаваны тыповыя памылкі, якія цягнуць вяртанне судом заявы крэдытора аб банкруцтве.

На канкрэтных прыкладах былі разабраны сітуацыі, звязаныя з удзелам у справе аб банкруцтве паручыцеля даўжніка, абскарджаннем дзеянняў кіраўніка, рашэнняў сходу і камітэта крэдытораў.