Андрэй Картун: НСУР-2040 стане «настольнай кнігай» пры распрацоўцы прагнозных і планавых дакументаў

Аб гэтым заявіў сёння, 12 лістапада 2024 г., Першы намеснік Міністра эканомікі Андрэй Картун, выступаючы з дакладам аб праекце Нацыянальнай стратэгіі ўстойлівага развіцця-2040 на пасяджэнні Савета па ўстойлівым развіцці.

 Як адзначыў Андрэй Картун, фарміруючы вобраз будучыні краіны на бліжэйшыя 15 гадоў, у аснову ставіцца чалавек і яго патэнцыял.

«Мы будуем інтэлектуальную і экалагічна адказную краіну, дзе чалавек – галоўная каштоўнасць. А эканоміка з развітой тэхналагічнай і лічбавай індустрыяй, канкурэнтным бізнес-асяроддзем і ўстойлівымі рэгіёнамі стане базісам для самарэалізацыі кожнага грамадзяніна.

У аснову НСУР-2040 пакладзены наступныя падыходы.

Першае. Увязка з Мэтамі ўстойлівага развіцця з улікам нацыянальных інтарэсаў.

Другое. Прыярытэты нацыянальнай бяспекі.

І трэцяе – узмацненне інавацыйнасці дакумента праз праектныя ідэі Комплекснага прагнозу навукова-тэхнічнага прагрэсу.

З гэтых пазіцый вызначаны пяць прыярытэтаў: сямейныя каштоўнасці і асабісты рост; адукацыя, арыентаваная на тэхналагічнае развіццё; тэхналагічная незалежнасць і інтэлектуальная эканоміка; баланс бізнес-дзяржава; экалагічная бяспека. Выпрацаваны механізмы іх дасягнення.

Распрацоўка Стратэгіі вялася з прыцягненнем шырокага кола ўдзельнікаў: вучоныя, дзяржорганы, прадстаўнікі рэгіёнаў, бізнес-супольнасці, грамадскіх арганізацый, дэлегаты Усебеларускага народнага сходу.

Усе зацікаўленыя мелі магчымасць выказаць свае канструктыўныя прапановы падчас грамадскага абмеркавання дакумента. Са свайго боку мы пастараліся пачуць кожнага.

Наступны этап – адабрэнне НСУР-2040 Прэзідыумам Савета Міністраў. Стратэгія стане «настольнай кнігай» для распрацоўкі прагнозных і планавых дакументаў усіх узроўняў», – падкрэсліў Першы намеснік міністра эканомікі.