Андрэй Гапановіч: своечасовае рашэнне аб санацыі дазваляе прадпрыемству хутчэй вярнуцца да эфектыўнай працы

Аб гэтым заявіў начальнік упраўлення па санацыі і банкруцтве па г.Мінску і Мінскай вобласці Андрэй Гапановіч на выязным пасяджэнні эканамічнага суда Мінскай вобласці па разглядзе справаздачы антыкрызіснага кіраўніка, які праходзіў у г.Барысаве на пляцоўцы ААТ «Барысаўжылбуд».

Прадпрыемства знаходзіцца ў працэдуры санацыі з чэрвеня 2022 года. Дзякуючы прэферэнцыям, якія прадастаўляюцца ў адпаведнасці з заканадаўствам аб эканамічнай неплацежаздольнасці ў якасці інструмента фінансавага аздараўлення, ужо больш за два гады прадпрыемства працуе стабільна: захаваны рабочыя месцы для 300 чалавек, своечасова і поўнасцю выплачваецца зарплата, падаткі і іншыя плацяжы.

За гэты перыяд прадпрыемствам на тэрыторыі Мінскай вобласці пабудавана 12 жылых дамоў.

«Гэтыя вынікі сведчаць, што абноўленае заканадаўства прапануе не толькі дзейсныя механізмы падтрымкі прадпрыемстваў, але і забяспечвае іх больш аператыўнае выйсце на эфектыўную працу», – адзначыў Андрэй Гапановіч.