Аляксандр Гарбун: Міравое пагадненне - дзейсны механізм рэструктурызацыі запазычанасці

 Аб гэтым заявіў сёння, 5 верасня 2024 г., начальнік Гомельскага тэрытарыяльнага аддзела па санацыі і банкруцтве Аляксандр Гарбун.

Як адзначыў прадстаўнік Мінэканомікі, рэалізацыя антыкрызісных мер дае станоўчы эфект. У Гомельскай вобласці ў 2023 г. і ў 1-ым паўгоддзі 2024 г. па выніках санацыі заключана 5 міравых пагадненняў.

Дасягнутыя вынікі Аляксандр Гарбун праілюстраваў на прыкладзе работы па аздараўленні ўнітарнага прадпрыемства «Віпра» Беларускага таварыства глухіх.

За час санацыі (2017-2024 гг.) праведзена мадэрнізацыя і аптымізацыя вытворчых працэсаў і плошчаў, асвоена і ўкаранёна 66 новых відаў прадукцыі, забяспечана прыбытковая дзейнасць прадпрыемства. Задавальненне патрабаванняў крэдытораў склала 96% ад заяўленых.

«Такім чынам, назіраецца трэнд на актывізацыю заключэння міравых пагадненняў у працэдурах у рэгіёне. Міравое пагадненне саніраванага прадпрыемства з яго крэдыторамі – гэта дзейсны механізм рэструктурызацыі запазычанасці. Станоўчы вопыт можа быць паспяхова маштабаваны і на іншыя саніраваныя прадпрыемствы рэгіёну», – адзначыў начальнік Гомельскага тэрытарыяльнага аддзела па санацыі і банкруцтве.