Алеся Абраменка: неабходна аператыўна ўстараняць перашкоды для працы суб'ектаў гаспадарання на адзіным рынку Саюза

Аб гэтым заявіла сёння, 5 верасня 2024 г., намеснік Міністра эканомікі Алеся Абраменка падчас пасяджэння міжведамаснай рабочай групы эканамічных ведамстваў Беларусі і Расіі.

Гэта пляцоўка паспяхова выкарыстоўваецца для абмеркавання праблемных пытанняў двухбаковага ўзаемадзеяння, якія перашкаджаюць працы суб'ектаў гаспадарання на агульным рынку, і зарэкамендавала сябе як дзейсны механізм у пошуку прымальных рашэнняў.

Парадак дня мерапрыемства ўключаў у сябе пытанні працы на расійскім рынку ліфтавага абсталявання, забеспячэння ўзаемадзеяння сістэм электронных пашпартоў транспартных сродкаў, узаемавыгадных умовах паставак у Беларусь дызельных рухавікоў.

 «Мы зацікаўлены ў павелічэнні паставак ліфтаў на рынак Расіі, а таксама пашырэнні магчымасцяў для ўдзелу ў працах па мантажы ліфтавага абсталявання ў жыллёвым фондзе і на прамысловых аб'ектах.

Таксама разлічваем на падтрымку Расіі пры абмеркаванні з партнёрамі па ЕАЭС беларускай ініцыятывы па абнуленні ставак мытных пошлін на дызельныя рухавікі. Дадатнае вырашэнне гэтага пытання важна для многіх флагманаў айчыннага машынабудавання, як напрыклад, ААТ «БелАЗ», які з'яўляецца адным з найбуйнейшых у ЕАЭС вытворцаў кар'ернай тэхнікі», – адзначыла намеснік кіраўніка эканамічнага ведамства.

Падчас нарады таксама была прапрацавана магчымасць спалучэння нацыянальных сегментаў сістэм ЭПТС, створаных у Беларусі і Расіі, для забеспячэння экспарту вырабленых у Беларусі транспартных сродкаў на расійскі рынак.