Алена Скіба: працэдуры ўрэгулявання неплацежаздольнасці садзейнічаюць аператыўнаму фінансаваму аздараўленню арганізацый

Аб гэтым расказала начальнік Віцебскага аддзела па санацыі і банкруцтве Алена Скіба, каменціруючы вынікі правядзення судовых працэдур за 10 месяцаў бягучага года.

Прадстаўнік Мінэканомікі нагадала, што ў сувязі з уступленнем у сілу Закона «Аб урэгуляванні неплацежаздольнасці» істотна пераразмеркаваны і пашыраны паўнамоцтвы органаў кіравання ў сферы дасудовага аздараўлення.

Як вынік, назіраецца ўстойлівы трэнд на зніжэнне колькасці спраў аб неплацежаздольнасці і банкруцтве, узбуджаных эканамічнымі судамі. У прыватнасці, на разглядзе эканамічнага суда Віцебскай вобласці зараз на 40% менш такіх спраў, чым годам раней.

Атрымала новы імпульс праца па ацэнцы актываў і абавязацельстваў даўжнікоў, да яе актыўна прыцягваюцца «крызіс-менеджэры» і іншыя зацікаўленыя бакі для забеспячэння эфектыўнага і празрыстага працэсу.

«Рэалізацыя актываў даўжнікоў за 10 месяцаў 2024-га дазволіла пагасіць патрабаванні крэдытораў на суму каля 1 млн рублёў. Выкарыстоўваючы новыя механізмы фіназдараўлення, праблемныя прадпрыемствы будуць больш аператыўна разлічвацца з даўгамі і выходзіць на эфектыўную працу», – адзначыла Алена Скіба.